ქვიშა სქიდუ

by რამაზ კუპრა

please do not remove empty parameters (see the template documentation).

ქვიშა სქიდუ by რამაზ კუპრა

რამაზ კუპრა. "ლაზონა დო მარგალონა" 2009წ.ხ.70

გამწეთთ შუმა დორშულიდუნს,
ირო ვაგაირზუ გური,
ვაიჩქუნო, ვეშვე ღვინი,
ვართ დირფა დო შამპანური...

თქვანი ჯგირობუა მოკო,
მა ვარშქიდანთ მოკოს, ღულას,
-ქოიძირნანო თე ქჲანაშა
თი ქჲანაშე მუნაულა?

ართიქ ათაშ ქომიგამუ:
წყარ მეურს დო ქვიშა სქიდუ,
თი ქჲანაშა ულაშ წოხლე
შუმა ვარა გიმოსქიდუ...

სი ქოიჩქჷ, ირკოს ართო
შარა თეურე გემიძუნა,
კაკალიას ვამიჩქუნა
ულაშა მუ მემიძუნა...

სქიბუ მესქიბოლეს უჩქუ,
ტკიბირითი წყარ ვეცირე,
დუდ ვენწყვედა ქვინჯი ზღუაში
ზღუაში ქვინჯი დღას ვეძირე...