ქვიქვი ცხენი
Jump to navigation
Jump to search
ფურკო გინირთიო გვალო,
დუდ მიანებ სიფიცხეს.
სუა გორკუ ასე ხვალე
ხოჭოჯგუა ქვიქვი ცხენს.
შულადა ხომ ვეტახინე,
შკურინ მიგოჩქ გაძიცალო,
ზესკვის ტყაშე ვეითაღინე
კვარკვანტია სქანიცალო.
სქან ძირაფას იწანწალუ,
ქარ უმინჯე უმნუქუნ,
ჭვირთი რექო სი სანწალე
ირფელს მიკმაბუნუქუნ.
ოკო მეიჭყვიდე რინი,
გურ მაფ ელაჯიქურელი...
მურე ჸუჯეფი გეგლარღვინი
გიციგანი სი ღურელი.
სქანი ფასი მუთა პუნს,
ჰაიტ აშო სი ძაბუნ,
უსქანეთ დო უჩქიმეთ
ბჟა ჩილამურს ქოდაბუნს.
გოურქი დო გოტურინი,
მუთას გოხვარ დონდურინი,
ვაგაპალუ სიჭყანე, დო!
ქეთინჩხალე ართბაშათ,
ჩიტიშ სუა ქიჩანე დო
გოლა გეგნოფარფაშე.
ეთეშ,სქანი ჭყოლოფა დო
შარა გოსქიდ ნოფურჩეშ,
სი მარგალიშ ჸოროფა დო
სი მარგალიშ ოფურჩეში.