ქარი ფოთლებთან ისევ თამაშობს
Jump to navigation
Jump to search
| ქარი ფოთლებთან ისევ თამაშობს ავტორი: ტერენტი გრანელი |
ქარი ფოთლებთან ისევ თამაშობს
და მე ბაღიდან ახლა ვბრუნდები.
ალბად ეს გრძნობა მალე დამახრჩობს,
ვიგრძნობ ყველაფერს და გავჩუმდები.
და მოლოდინიც სცადეს თვალებმა,
მოვარდა ქარი და სული მიჰყავს.
და ახლა სადღაც შორს იმალება
ქალი, რომელიც მე ასე მიყვარს.
და იყო სევდის გულზე დასევა,
ყვავილებია და კვლავ სიშორე.
და მიხარია, დღეს რომ ასე ვარ,
და მიხარია, რომ ვარ მდუმარე.