ქ
ქარაგადაფევა და, ნინა ირფელს თქუანსია.
ქა ფერწოს ხოლო გეჩანს, მარა ხოჯი ვარენია.
ქვარა დუს გჷგოჭყოლიდუანს.
ქვიითი ცხენამს გეთიაძიცანდუა.
ქვიშაში თოკიშა ირსხესია.
ირო მითინს ვეგესქილადუნია.
ქიანა იჭუდუა დო დაჩხირქ ვეეშუუა.
ქიანა მითინც ვეგესქილადუნია.
ქიგიოსხაპანქჷნი ჭკიჭკიტიათ ქჷგაჩამუნია.
ქიდიირთი თუდონი სქიბუცალოვა.
ქოთომიში შელება, კვერცხი რენია.
ქოთომიში ხორციშირო ირ დიხას ოკათუნია.
ქოთომიში ხორციჯგუარენია.
ქოთომს ქოსილი ვამააძირე, მუს გეუჩხირკუავა დო.
ქოთომს შეულებუნი - კვერცხი რე დო მა შემილებუნ - თენა რე.
ქოთომქ თქუა: მა შემილებუნი, კვერცხი რენია.
ქოთომქ მუში ოჸვილარი ხამი გითოჩხირკუა.
ქოთომქ ჩხირკუა დო მუში ოჸვილარი ხამუ კებურს გაკლაჩხირკუა.
ქომილი კოს დუდიშ ცქვაფა ვაუჸორსია.
ქომილი კოჩი კოს ვაჸვილუნსია.
ქომონს ჸვალი ონარღუდუა დო ოსურს - დერგი.
ქომონჯი ლაშქარს ორდუ დო ჩილი ლაშქარიშ ანბეს ოხვამილუანდუ.
ქომუჩიას ქემიჩია ოკონია.
ქონება ეიკინანსი დო დიიკინანსია, პატიოსნება დო რჩქინა ირო იძინანსია.
ქოფთქუე - მუმა დომიღურუ, ვაფთქუე - დიდავა.
ქოჩანქჷნი - ქარჩანსია.
ქოჩი-ქოჩით გინქ დიირჩინუა.
ქულა იშენი ქელექულუანსია.
ქულა ორულუშა გუუტეს, ჸვერე - ოჯინუშა.
ქულა ასხაპუშა, ჸვერე - ორულუშა.