ფუთარ კოჩიშ მონოლოგი

From Wikisource
Jump to navigation Jump to search
please do not remove empty parameters (see the template documentation).
ფუთარ კოჩიშ მონოლოგი
by რამაზ კუპრა
რამაზ კუპრა. "ლაზონა დო მარგალონა" 2009წ.ხ.126

   თემურ ბარქაიას

მა გოხოლუთ ფუთარ კოჩი,
ფაზისიში კვირდი სქუა,
მა შხვანერო მიჸორს ფუთიშ
ზღუა, მალწყარი, ჯა დო ქუა...

ფუთარ კოჩ თაქ იბადებუ
თაქ ირდუ დო ინთხორუ,
ქართალეფი, ძერაცალო
ფუთის მიკაძირძონუთ...

თქვან უფრაშო ვამიჩქუნა
ზიმუა დო წონუა,
ჩქიმი ჯიმა, ქართალეფი
ფუთის ვაუძირძონუათ...

ფუთშა მოურთ ძელ დო ძვალი,
იშო ირთუთ ქვარაფიხა...
მალას კუჩხი ვადადგინე
მარგალს მუში ფუთიშ დიხას...

ღორონთქ ჩქით გჷმორჩქინესჷ,
ჩქითჷ პუნა ჩილ დო სქუა,
მართალიში ხელერდიშენ
მა საჸალე ვამიწუათ...