ფირქეფც დუდი მურზვენი

From Wikisource
Jump to navigation Jump to search
please do not remove empty parameters (see the template documentation).
***
by ზაალ ჯალაღონია

ფირქეფც დუდი მურზვენი,
ჩანარ პოფექჷ უთასჷ,
ინმაჩილამურ ჸურზენი,
თოლ ქინუწაწე თუთასჷ.
ეშალანდირი პოფექო,
ჩქიმ ჯგირი, შხვაშო ფურ რდასჷ,
ანწ რინას აკვაჭოფეკო,
ვარა თე რინა მუ რდასჷ?
ორთას შეყერეფ, კვირტეფი,
არძა ჩქიჩშორო მურდასჷ!
ტანს ფურცელ მეფრსხუ ჩხორო ფა,
სქანი რსხული დო სქან კანი.
ვამოკო მიშაწურაფა
მა მიღუ ჩქიმი აკანი.
მეულუ, ცაშე ბრჩქინდუქუ,
შარეფ სო ვარე მერთელი.
ვარა სო ვანკობრჩქინდუქუ,
ბღური, მოფრთი და გებთელი.
ნაბანდალა დო ნაგაგა,
ნაბენებუ დო ნარჩქვანი.
ჩქიმი ნაგიმა აგაგა,
კინ ჩქიმდა ოკო მაშქვანი.