ფანტასტიური ღამე

ფანტასტიური ღამე ავტორი: ტერენტი გრანელი

უძილო ღამე, ყრუ ფიქრები და ფანტაზია,
ცხოვრების რბენა, მარტოობა აუწერელი.
წითელ ოცნებას მდუმარებით ფანტავს აზია.
უძილო ღამე, ყრუ ფიქრები და ფანტაზია.
ჩვენი სიტყვები ყველასათვის ფიანდაზია.
თავის ლექსებში იხედება კონნე სპერელლი.
უძილო ღამე, ყრუ ფიქრები და ფანტაზია,
ცხოვრების რბენა, მარტოობა აუწერელი.

მწვანე მირაჟი, ღამის რკალი, სახე ლამაზი,
უტეხი ტევრი და სპეტაკი ნიამორები,
სწორი მეტეხი, დამსხვრეული ოქროს არმაზი.
მწვანე მირაჟი, ღამის რკალი, სახე ლამაზი.
პანის მორევში იღვენთება ცრემლით ალმასი.
ყვითელ სივრცეში ცეცხლით იწვის ღია ზმორები.
მწვანე მირაჟი, ღამის რკალი, სახე ლამაზი,
უტეხი ტევრი და სპეტაკი ნიამორები.

რესურსები ინტერნეტში

• მამარდაშვილის ციფრული ბიბლიოთეკა