უჸვაიჭარობაშ სონეტი

From Wikisource
Jump to navigation Jump to search
please do not remove empty parameters (see the template documentation).
***
by გიორგი ხულორდავა

უჸვაიჭარობას მევენდურით, მუზმა წანა რე,
დუც მინმორენა ნაჭვემერი კაპანჲ ლაკადა,
ქიმიკორინე ჩქიმ ძირაფა, ართშახ, აკადა,
თინა, გიჩქუდას, უჩურცხალი ეკოთანა რე.

შეხვამილაფა, თოლკინდაფა შურიშ ღვალა რე,
ქიშევბორკითჷ, ქჷგმოკირეს ბორჯიშ აკათა,
ვეხიოლუა, დიო შარა ვარე ნაკვათა,
ირიათონიშ გალე ოკო ქიმკიღანდარე.

მიჩქუ, ბრელს აფჷ ნაკითხირა ჩქინდა მორალი,
ჯამუ ორდი დო გოლვაფირო, მუშენ დელახი?
სქან დუდი კინე შორც მაფუნო აკაგორალი?

სო მითიქოსი ჩხანაცალო, სო რე გელახი?
წანეფჲ მომიღჷ ართიანშა მიოფორალი,
ჭვენცჷ დო ხიბას გართუაფჷ უჩა მელახი.

2014 წანა ფურთუთა

ოფუტე სალხინო