უცნობ საფლავთან ვდგევარ
Jump to navigation
Jump to search
| უცნობ საფლავთან ვდგევარ ავტორი: ტერენტი გრანელი |
უცნობ საფლავთან ვდგევარ,
ცხოვრება რას არ ჩრდილავს.
კვლავ ხუთშაბათის დღეა
და ღრუბლიანი დილა.
მოვა ცისფერი სული,
მიწას ღრუბლები ჩრდილავს.
უფრო მიღვიძებს სურვილს
ეს ღრუბლიანი დილა.
ზარის შორეულ ხმაზე
ოცნება სევდას ჩრდილავს.
სიცოცხლის სურვილს მაძლევს
ეს ღრუბლიანი დილა.