უსქვამელაშ მაზისნახე
Jump to navigation
Jump to search
უსქვამელაშ მაზისნახე,
შურიშ მუმაღორებელი.
ჭკარჭკუნტია ლერს ვა მოკო,
თე მეცუხე მარებელი.
დღალეფც მაჸი დოჟღირაფუ,
წყარ სოიშა გუობა.
მინშა რინა მოხიოლჷ,
მინშა ურინუობა.
ჩქიმიშ გურშენ მურიცხეფშე
ეყარეს დო მოლართეს.
ჩხორო რინას მიკმიბტალე,
ჩხორო გვალას, ჩხორო თეს.
პეულეფიშ ნასისმარუს,
ტორონჯეფიშ კორკონტეფც.
ნარა, ნარას, ჭიე, ჭიეთ
ქუაწყორუქ ღორონთეფც.