უსქანობას მევარჩქვანე

by ნიკოლოზ ადამია

please do not remove empty parameters (see the template documentation).

უსქანობას მევარჩქვანე by [[Author:ნიკოლოზ ადამია|ნიკოლოზ ადამია]]

ნიკოლოზ ადამია "გომორძგუა სამარგალო სქანი" 2006წ.ხ.22

უსქანობას მევარჩქვანე
მოკო, მარა ვეშემლებუ,
სქან სახელი ვაფთქუენი,
გურს მაწყუნე, გევშერბუქ.

რინაქ თეში გომაჯოგუ,
თხა დო შხურსი მუჭო გერქი,
ქომორჩქინუნ, მუს ორთუქი,
ქომორჩქინუნ მუჭო რექი.

უსქანობას მივარჩქვანე,
მოკო, მარა ვეშემლებუ,
ვარა მალას დოვღუქუქი,
ვარა მალას გევშერებუქ.

დღაშით საქმეშ კეთებას
შურსი გინმუორთუა,
სერით ჩქიმი ორთუმელსი
ჩილამურით ვორტუა.

ღურელეფსი გითმიფშინა
ჯვეშეფსი დო ახალეფსი.
ჩქიმ თოლს მუთუნ ვახიოლუ,
ჩქიმ გურს მუთუნ ვახარენსი.