ურთა
Jump to navigation
Jump to search
გური ჩხე შური წირდე
მუდგა კოჩის თოლეფს მურთა,
ორექ ოხვამური კირდე
რჯუდუნს ვითოჟირი თუთა.
ჟი უჩქუნა სი მუ რექინ,
გუგალუაფ ბჟა დო თუთა,
ქვერსემ გოლემს მიშურექი
ნერი სკვამი... თოლი სუფთა.
უჩა ტობას გიჯინექ,
დაჩხირ გუგაკიონტ გურსი,
ჯუმიშ ნარღის მიარჩქილექ
ცაშე მურიცხ გიმორჸუნცი.
ქარ–ბორია გუგაზუმინ
ელგასიმე ხმა ბარჩხილი,
გუგაბარჩხალ ბჟაშ ჩხორია
სკან ორქო დო სკან ვარჩხილი.
გური ჩხე დო შური წირდე,
თოლეფს ურგინუა, ურთა,
ორექ ოღორონთე კირდე
სკან ჯირა რე, ბჟა დო თუთა.