უნუგეშე რინა
Jump to navigation
Jump to search
იას, რობუ ინს ეიელს
ჭანდარი გინმოფულუნდუ,
ოკოდ შვან მუშით დორინა,
კორინსი ვამოფულუნდუ,
ქიაჩის ათაჸოროფუდ,
თოლეფი გასორებუდუ:
ბჟაში ჩხორ-სინთე თიასი
ჯა ოროთ მუნაყინტუდუ,
დო იას ნაბჟაჩხორია
ვეგნაფინ, ვეგნაქიცუდუ.
ოკუსაფუანდ ჩაგრება,
ნგარათ გურ ალაწუხუდუ,
ბჟაშ ნაჭყოლოფუს ვენართ დო
რობუ მუთ ეშატიბუდუ?
გურჭყოლიშ უსქილადუო
იას ფერ ინმუდინუდუ.
ემერ, მელ, იაშ მინოხუ,
ვარდეფს ჯაშ ორო ვამნოხუ,
ბჟათ თიათ მუნაჩხორუდუ,
ნარღით მუს მუკურჩქინდუდუ?
დუდშულობაშ თუდ ოვარდე:-
სამოთხეთ მუკირჩქინუდუ.
ია, თეს ორწყედ, ღურ მულა
უმოსო განწარებედუ,
ვარდეფი რხინენდ უნარღეთ,
დო ია ... იდიხებუდუ.