უმოღე ჸოფა

From Wikisource
Jump to navigation Jump to search
please do not remove empty parameters (see the template documentation).
უმოღე ჸოფა
by ზაალ ჯალაღონია

ეწირილჲ მაფუ ასე ფირქჲ.
გუმათანე მურიცხი,
ჩქიმი ტანც კინჲ ჟი გეშეღანც, დართინუანც უკულჲ
წანეფო.
ქინორტუელე ჩქიმი რინა ბორჯიშ უჩა კარდალას,
დაჩხირჲ მერზამილჲ ჭანური ხოლო მიწიქანცჷ.
დარჩქალჲ ჩქიმი ჭუა, შური მაფუ მეცარილჲ.

კოს ტაბაკი უდგუ დო ჸვილეფც ონწკარანც,

დღა დო ცოდეფც ეკმარღვანც,
პიჯიშე, ტანჲ ანწყუმუ დო თევრეთ
გიშმულა ჭვემათ რტუაფილი მუნაფეფჲ.
კვინჭიხეშე გოვალუნც დო ჩხოროთ აკონწკირილჲ
გვალათ გინირთუ ირფელჲ.

დუნათხია ართშა ვაორექ,
ანთასიშა პოფექ თავრე მიკნარტებუ.

ჩე ჯას, გოხოლუას ბირგულეფჲ ქუდუშქუმალჷ,
ხვამა თიში ცას იშო-იშო ბინეხცალო მებუ.

გაგაჩელჲ გვალა, ბჟას ელაჯინე. დო
ლარჭემონას ჭყორი გალუაფუ დუცჷ.

მართუ თუთა ინმიკარკაზანც არძა სერდას,
დო უკულჲ გიშმაჸუნცჷ ჩქიმდა კინე.
ეჭკარჭკალაფირჲ დო ჩხურუშჲ ეჸოთამილი,
არძა აკანცჷ ქიმკვარდუქ, სიტიბა დო ხვალე სიტიბა მოკო.
გური არძაში უმოს ტიბუ ჸოფე
ვაგარგილედა.
მენძორე ყვარანცჷ ქეკვორაგადე, ნექჷ გამგართ მაქ,
მიკართინუ მუში უჩა ნინძგჷ დო ქიმკოდინჷ ცას.
მერას ქეკუჸუნე თოლჲ,
დღას ვარშიბუდას ტიბჷ გურჲ მაქჷ.

ჸვაწკოწკერამი ვორდი, მუთუნს ვაგანწყინჷ ჩქიმდა
თიქჷ.
ნარღის მენწყილო მიშ წყარმალჷ დო მათ ქუაწყორჲ.
ეწირილჲ მაფუდჷ ფირქჲ,
გოლოფა მიღუდჷ დო გური გინვორთინე წყარო,
თეშ ნამდა ვაგობრგილაფჷ.

ათენა ფირქი ვა ჸოფე, თენა სისმარჲ ვა ჸოფე, თენა რინა ვა ჸოფე,
მუ რდჷ აბა, უღურალო მიფრჩქინ ირფელჲ,
მარა ვარჲ, თენათ ვა რდჷ.
თენა პოტიკი დო უმოღე სქილედიშჲ
გუმნართჲ ჸოფე.
გოდინაფე დო მასქურო დოსქილადჷ ფირქეფცჷ.

სოდგარენჲ ქუმოფხვადჲ, კოჩი- კოს ვაგუდჷ დო
მუდგას უგურუანდინჲ, თინათჷ ვა რდჷ მუთუნიშჲ მანგური.