უკრაინაშ მიმაჯინე

by გიგა ქავთარაძე

please do not remove empty parameters (see the template documentation).

უკრაინაშ მიმაჯინე by გიგა ქავთარაძე

გურს მიჸვილუნს სკან უჩა დღა უკრაინა,
წირკე გორთხოზ მუკ-მუკი, რუსიშ ნარდი.
გორგინჯეს დო შკაშა გორთეს სკანი რინა...
სკან მაჯინე, ამდღა თელ დღას გილემგარდი.

მა მუთ შემლებ სკან ალარნა, შურიშ მანგი?
ჩქიმ ჩილამურ მუს ოხვარ სკან წიმილ ზისხერს?
საქორთუოშ მუმალბორჯიშ სი რექ თანგი,
მარა ჩქი მუ გუმალენა, მი რე გირსხენს?!

მუ ჯიქურო აწმაზადუთ არძა ღურუს,
უშკურანჯეთ, ერზამილო ჯიმა-დაშო!
თენერ შურით, გომორძგუა მალას ქუმურს!
დუდ ვადოდვათ, ვეკნიკინათ ეთი დღაშო!

21.2.2014 წ.

ზუგდიდი