ტყაში მაფათ გინიბრთუქ!
Jump to navigation
Jump to search
ტყაში მაფათ გინიბრთუქ!
ცურუს წელშა ქიგიბდვა დო კიფის ტანშა ქიგიბღართა,
პეულს ქიმშებიმნანქუ დო დუც თუმათ ქიგიბქართა.
კუჩხის გეიბაბრკანა დო ტყებიშ ჩაფლათ ქიგიბხართა,
ხუც მუნაფას ქიგნიბდვა, ჩე მუნაფას ბაშლაყო,
ურა ცხენს დობხენდუნქ, შარას ქიგვოფურინა დო
ლაკადაშა ქობლუქ.
მარტვილს ქიმაბრტვილენქ დო ჭყონდიდს ქემუფერუა.
ცუნდით პიც დობშოლუნქ, ოსინდალეს გეშებხვამა,
ბიწკით გვალას ეკიბლე დო ცას მურიცხის გოპკოროფუ,
ლუგელას გინიბლუა, ხობწყარიშა დუც ქიმნწყუა.
კალმახეფს ვაკათუქ, გურს მურიცხის ქიგიბქარგა.
მასკურიათ შურს იბღა დო ყულევს გეკიფსიონტუქ,
ფუთის ქიფხუტოლუანქ დო ტეხირს ქეგულაჸაფუა,
ანარკიას გეკურქ, ალიშ კიბირს დობკოროფუნქ,
ინგირს გეკვაჸუნუქ, ზუგიც დუც ქუგულუა,
ოდიშ-დიხას ოხვამუურს გურს მურიცხის გეიბწილ დო
ჯუნა-ჯუნათ ოხვამურო, ჸოროფაშ გურს ქეგუდვა.