ტრაქტორიშ ლექსი

by ნუგზარ საჯაია

please do not remove empty parameters (see the template documentation).

ტრაქტორიშ ლექსი by ნუგზარ საჯაია

გაზეთი „მახარია“ #4 2000წ.ხ.17

ჩქჷნი ჯვეში ჸათ ხონუნდჷ,
მინშა – ნონტყელიში ქათჷ,
პაპუქ რკინა დოჭკადჷ დო
ბაბუქ ხონჷ აგაფათჷ.
ჩქჷ ტრაქტორი ქიპიდითჷ,
გევოხეთჷ მოსვანჯელო,
უცხენე დო უხუჯეთჷ
მეხონუნცჷ, მეუღ ლელო.
მუზმა გოკონ სიტომბასჷ
დიხას მუნართინუანცუ,
ჩხვიჩხვის ემაჯჷლჷნცჷ,
ჯასჷთ ეკართინუანც...
ტრაქტორიცალი მუთა შიბუ
დიხაშ მუშეფს მოხვარე,
დღაშე ხუთი ჰექტარს ფხონუნთჷ
ტრაქტორი დო მა ხვალე.