ტარიელ დო გელა ღვაბერიძეემს

From Wikisource
Jump to navigation Jump to search
please do not remove empty parameters (see the template documentation).
ტარიელ დო გელა ღვაბერიძეემს
by მურმან წოწორია
მურმან წოწორია. ცაშა მემიჭოფუ სუა.მარტვილი 2007წ.


ართიანიშ ხვალო ვარინ
თქვა რეთ ხუნწარეფიშ ჯიმა,
ხუნწის კოჩი ვეპალუუ
თქვანდე ვარდას მიკნაჯინა.

სახიოლო ორე ირო
თქვან ძირაფა, თქვანი ჯინა,
ბრელი ვგორი, ვამაგორუ
კოჩქ თქვანდა გინმარჯგინალქ.

ხოლო ბრელი თქვანჯგუარი
ღვაბერიაშ ჯიშ დო ჯილაგის,
თქვან ოჯახის გეიშურთუმდას
მურთუმუდას თქვან მარჯგინალს.

ხუნწის კოჩ ვეპალუუ
თქვანდე ვარდას მიკნაჯინა,
თი ხუნწარიაშ დიდა ვარდას
მიდგას ვემიორჩქუთ ჯიმათ.