სქანი რინა ლანჯი რენ დო

by თამარ დარასელია

please do not remove empty parameters (see the template documentation).

სქანი რინა ლანჯი რენ დო by თამარ დარასელია

სქანი რინა ლანჯი რენ დო
ჩქიმი ეთი ლანჯიშ ორო,
გურშა გურით გემაზად დო
გივაუნათ შარას წორო.
ჩქიმი რინა წყურგილე რე
სქან სისმარიშ ენაულა,
წყარიშ დიდაშ ნაკუჩხურ რე
რგილ ინგირშე ეკნაულა.
ჩქიმი გური სქან გურიში
ხონარ რე დო
შურიშ ღალა,
ჭყანათ ბირგულს მეჩამილი
იმენდი რე -
ვამონჩალა.
სქანი რინა ლანჯი რენ დო
ჩქიმი ეთი ლანჯიშ ორო,
გურშა გურით გემაზად დო
გივაუნათ შარას წორო.