სურათი გვალაშე
Jump to navigation
Jump to search
ჟი ცაშე გინაჯინე მთელ ქიანას ბჟა,
ამარიადო აშმოდინუნა ამდღარი დღა,
გვალაში წვანდემს მიკმაფორუ ობარჩხალაია ბჟა,
ნახანტეფით მოხანტელე ცაში ტრიაპკა.
თოლონჭაფუს სარკალანსუ ბჟაში სხივეფით ზღვა,
ენატყვაცა სხივეფითუ იხანტუ ცა,
მუშ მაშორას ითებუნა ცა დო ზღვა,
ჟირპიჯა კუნთხუ დო ჟიშე გვალა.
ონჯუას თე სურათი აშმოდინუნა თაურე,
ბჟაში მანგიორო განკორჩქინდუ ორწკინაია მთვარე,
მურიცხეფით გეგნიჭკადუ ცაში ჟიდონი მხარე,
თუთაში სინთეთ სარკალანს იშენი ზღვაში მხარე.
ღორონთიში გორჩქინელი ჩქ მიღუნა სერ დო დღაში,
ობარჩხალაია ბჟა დო თუთა თის ანათენს ამდღა თაში,
რზენ დო გვალას გილერულე დიოდღარო ჩქუნი რაში,
ჩქინი ირფელი ჩქინი ქორდასუნი, ჩქ ვამკონა მუთუნი შხვაში.