სონეტი №96
Jump to navigation
Jump to search
| სონეტი №96 by |
| ორიგინალური ნინა ინგლისური. ორიგინალური ჯოხოდვალა სონეტი №96. გინმათანგალი მარინა ფაჩულია - პაპუაშვილი |
ანდა მირჩქინანს თქვან ცხოვრებას დიდშა- დიდ ცოდათ,
ანდა გიოდვანს მაზაკვალურს თქვან გითოჯინას,
ბრელ თქვან ცქვაფათ შულადირი ბორდიშის იჭყანს,
დო იქადაქენს ეშმაკურო - ვაჩერენეს ნინას.
ზისნახეს ვაკო გასკვამება ალმას დო ოქროთ,
ვაგაუჩარენს თიშ სისკვამეს ცოდეფ მუში,
მარა მეჯინას-თოლიშ, გურიშ დო შურიშ მინჯეს,-
ბორჯი- მუშ წამალს დუკაკუნსჷ ქუა დო ქვინჯეთ.
მუდა შხურს გეუდვანს განჩინებას გერ- ურძღაფელა?
ქოთ შხურო ოკო დუდი მუში წარმიდგინასჷ,
სი გერიშორო შეილებჷ ხრიკეფ იხვარე,
მიჩქჷ გვალო ბრელი ქეშეწირებ სკან მეჯინასჷ.
აშ ვაქიმინა, გოხვეწუქჷ- მა ქომჩქილ ჯგირო-,
სი რექჷ ჩქიმი დო ჩქიმ ჸოროფა დორთხილანს ირო.