მუკმოქუნა ჩხე ქვიშაში ოსარე,
მუნმორენა სფინქსიშჷ კვარჩხი ორანი,
შარა ვარე დიხას ვემიანთხორანი,
მიდგა ლანდღვა, უბადო დო თორსა რე.
ამდღა ჩქინდა ჟინცას ვემიანოსალე,
გურგინქუ დო ტყვაციქ ვაგმაჭყორანი,
ჩქი ქიანაშე გურქუ ვადმაწყორანი,
მორო ინა ბორბოლიაშჷ მორსა რე.
გობირუნჷ დო გოლვაფირო, იბირი,
მუჭო ოკო დეჩიჩუე, დილაგვე,
გუთინჷ ჯიმას ბირგულეფჷ ელიბირი!
გურშა დაჩხირჷ გვართა-გვართათ გირაგვე,
ბირაშჷ ღალას ქელერინე კიბირი,
ბირა ვარა მუთუნს ვამადირაკე!
