სონეტი ლერსის

From Wikisource
Jump to navigation Jump to search
please do not remove empty parameters (see the template documentation).
სონეტი ლერსის
by გური ოტობაია

               
მიკმოქუნა ჩხე ქვიშაში ოსარე,
მინმორენა სფინქსიში კვარჩხი ორანი,
შარა ვარე დიხას ვემიანთხორანი,
მიდგა ლანდღვა, უბადო დო თორსა რე.

ამდღა ჩქიმდა ჟინცას ვემიანოსალე,
გურგინქუ დო ტყვაციქ ვაგმაჭყორანი,
ჩქი ქიანაშე გურქუ ვადმაწყორანი,
მორო ინა ბორბოლიაშ მორსა რე.

გობირუნ დო, გოლუაფირო, იბირი,
მუჭო ოკო დეჩიჩუე-დილაგვე,
გუთინ ჯიმას ბირგულეფ ელიბირი!

გურშა დაჩხირ გვართა-გვართათ გირაგვე,
ბირაშ ღალას ქელერინე კიბირი,
ბირა ვარა მუთუნს ვამადირაკე.