სონეტი ელულას
Jump to navigation
Jump to search
ზღვაშა მიშამკეთუდუ ქოქა კიდობანეფი,
ურთხელიშე თოლირი დო კვეკვაში ნაჭკადა,
ქიმიბგორე სიტყვეფი აფხა-გორგალ ნაჭყვადა,
მოხუმინნა ღიაშე ბორიაში ბანეფი.
მიკიბჯინინ _ ვეპალუ ტკეცერია კანეფი,
იგორგოთუ მართუ დო ონკირეთი ნაჭვ კათა,
თოლი ქიგმაწკვერემუ ჩილამურით ნაწყათა,
იშაყარუ ქართასუ მინ ცა, მინ არკვანეფი.
დღვეზერია წიგნეფი ვესისანდუ სოთინი,
არძა ართო დოშქვიდე პელაგონიშ რთაფასუ,
ნამთინიშა ვეთქუე: სო იდი დო სო დინი!
ასა-გასა ჭუმენიშ ბორჯიქ გეშართქაფასუ,
“დაჭიფარი შხუ რენდა, ღულა რენ და გოთინი!”
ქიგეჭარუ გვართაში ხირიტილი კაბასუ.