სონეტი ბორჯის
Jump to navigation
Jump to search
მუ შვანც მარჩქილე ოშწანურაშ ნგარა-თვალუა,
ზუღა სკირუ დო ეკმირთუნა ქირქე-გოლეფი,
ირიათონიშ ფსუატახილი მაჭირხოლეფი
დო სკან ორანით არძა აკანც უზარზალუა.
დამორჩილიშოთ ნორკობუე პირელიშ ვარდი
დო მარეხეთჷ კოჩიშ ნარტის ოჭიშ მესოფი,
ჩქინოთ თასინი, ჟირი თიზმა სკანოთ გეჭოფი,
მაჭალაბარი, მითინიში მოჯგირე ვარდი.
მითაჟამიშე მოთანჯილი გაფუ ირკოჩი
დო სკანი შარა არძა რობუს ქიმკობუნაფუ,
თოლით ვარძირი, მინჭუაფუდი, თეში მიკორთი,
ხაბო-გარამეფც ქიმთვოქოსი ჩქიმი დღალეფი,
მჷთმაძირუაფ ანთასნერო ჩელა მუნაფა
დო სკანოთ, ბორჯი, დომიზირუ წუნ თუ წანეფი.
2014 წანა, ღურთუთა.