სი ქუგგალე...

by ოთარ აძიმბაია

please do not remove empty parameters (see the template documentation).

სი ქუგალე... by [[Author:ოთარ აძიმბაია|ოთარ აძიმბაია]]

წყუ: ჟურნალი "ორნატი" #2 2003წ.ხ.75

უჩათ გოთანდ ეჩდოჩხორო
ეკენიაქ ჩქინი მხარეს,
ჩქიმ აფხაზეთ, ამდღა შხვაშ რექ,
მარა იშენთ სი ქუგგალე!

ართ სერს ქოჭირს შხვადო რინა,
ნებათ ულა იშენთ შხვა რე,
ჩილამურით შორშე რნატრე,
მარა, იშენთ სი ქუგგალე.

ჩქინ ნაუფ დო ნახანდაში
მიკმარინე ამდღა შხვა რე,
დუდ ვა დუდვა ჩქინ ტერემსი,
ვაგახარა, სი ქუგგალე.

ჩქი უსქანეთ გობჭყორდუთი,
სით ვერგუქუ ხვათა – ხვალე,
სოთინ მეგიჩირთითი და
ქუმაპატით, სი ქუგგალე!

მინგანგართუ ინგირშენო,
ჩილამურით გორჸუნთ გალე,
გურშა ქომხუტოლეთ, ვარა,
ცოდა ვორეთ, სი ქუგგალე.