სი სო რგორა მა თე დროს
Jump to navigation
Jump to search
მუჟანს ბორია შერენსჷ დო
ზღვა დო გოლას აკათუნი,
მეხი კირდემს ონდღულუანს,
კონკა დიხას აწაწუნი,
ზღვა ილჷნს დო კალკალეშა,
გვართაშ გვალეფი ერტებუნი,
ჭვენს დო ჭვიმა ვეგინმუღუ
მაჟიათ მულა ვეთებუნი,
მუჟანს კოჩიშ ნაცოდილა
კუჩხის ვეჸი გეტებული.
დო მა თეში მაძირაფუს
გურშე ზისხირ მერტებუნი,
სი სო რგორა მა თე დროს,
ირფელ გაფუნ მეტებული,
ხუცუ თიწკმა მისქვამენქო,
თენა ირფელი გეთებუნი?