სი თიწკჷმა მა სო რგორა?!
Jump to navigation
Jump to search
მუჟანს ბორია(ქარი) შერენსჷ დო
ზღვა დო გვალას აკართუნი,
მეხი კჷრდემს დანდღულუანს,
კონკა დიხას აწაწუნი.
ცაშე ნოტეხი გიმე მურსუ,
გვალა-გვალა აკანთხუნი,
ზღვა ზღვა წყარსჷ ვემიღენსჷ
ღალ დიდი წყარეფს ვაკათჷნი,
თირი ცენსჷ დო დაჩხირი ფურუ,
ირ ცოცხალს ბედი აკმაჭუნი.
მოკო ირფელიში რსხება,
დო ჩქიმ ძალა ვაგანჭუნი.
ზღვა კიდირო ვამაჭოფე,
გვართაშჷ გვალეფ მერტებუნი,
ჭვენს დო ჭვიმა ვეგნმუღუ
ვალი დო გურგინი ვეთებუნი,
მუჟანს კოჩიში ნაცოდილა
კუჩხის ვეჸინი გეტებული.
მა ქიანაში სიცოდილით,
გურშე ზისხირ მერტებუნი,
თეწკჷმა სო რექ სი სო რგორა,
ირფელი გაფუნი მეტებული?!
ხუც თიწკჷმა მისქვამენქ,
საქმე მორძგვას გეთებუნი?