სი თიწკჷმა ვამციგანა
Jump to navigation
Jump to search
სი თიწკჷმა ვამციგანა,
მუჟამს მა ფშკჷრენსჷნი,
ოროს ნარდის ლაჸაფე დო
მა ბერგ მიკებ ხესჷნი...
ვამციგანა სი თიწკჷმა,
დაჩხირ ალაბრზ გურსჷნი,
სი ირფელით რძღელი რექ დო
მა გერინელს ბლურცუნი...
გირაგადჷქ, ვამციგანა,
პაპა რძღელიში არიკო,
მოთვინაშე გეშაბლიდა,
მოფხჷვადჷნა სარიკო...
ქამოღურჷქ, გიჩქუდასჷ,
ვაგამგენქჷ თესჷნი,
მა თიწკჷმა მიციგანი
ხუჯიშა ალაგიხექჷნი...
ნებას გარზე, მიციგანე,
მათ იპიქჷ რძღელინი,
მუჟამც ართი იჸუაფუ
სქანი დო ჩქიმი ნტერინი...
მუჟანს ჩქიმი ოჭვებელი
სითი ქიგაჭვე გურსუნი,
ჩქიმი ართიანს ფთხილანთჷ დო
ნტერი ჯანდჷდო ლურცუნი...