სი დო მა დო მა დო სი

by გიორგი სიჭინავა

please do not remove empty parameters (see the template documentation).

სი დო მა დო მა დო სი by გიორგი სიჭინავა

წყუ: გიორგი სიჭინავა "ნანაგე" თბ. 2011 წ.ხ. 61

სი დო მა დო მა დო სი
გურ ჸოროფათ ვამორსით,
მარა უკული უეცარო
წებკინდით დო აკოფცით.

დაჩხირქ მალას მეშქირტჷდა
ნარღიქ მუშენ მაწვალას,
ჩქიმ დო სქან შქას მუთა ჸოფე -
ონტუდ ხუმლა ნაცალას.

ანწ თე ამბე ვეიშანწყუე,
მიდგაქ მუდგა მინდომას,
ართიანიში ვაბჸოფეთ
მა დო სი დო სი დო მა.