სი გიჸორს თე თუთა

by გიგა ქავთარაძე

please do not remove empty parameters (see the template documentation).

*** by გიგა ქავთარაძე

სი გიჸორს თე თუთა. თე თუთა სი მორგენს,
ჟირხოლო პირანთ დო გურ მიჸუნს ბირელი.
სქან შურიშ სიტომბა ვეგნაჩე პოლ გოგენს...
ზოხო სი კარკაცანქ დო ზოხო პირელი.

გიმოვურქ გალე დო ცა მუნერ ლენიე,
ვუჯინექ ასე დო დახე გურქ წამირთას...
ჸუმურიშ ჩე კაბა, თე ორთაშ გენია
აწმართუ წოხოლე, ნაკათოლს გემირთას...

ნარცისეფ კოსმოსშე გიმულურ ბჟა რენა,
გეჩანა ამარ დო სი გიჸორს მუჭონი,
სქან გურშენ ირდუნა, სქან გეშა ხარენა,
ფალუნა, ოკონა სქან სქვამ ხეშ ფუჩონი...

აფუნიშ თუთა რე, თოლეფი თოფური
პეულო ალგორე დო გუგაპირელუ,
მა მიჸორს სქან ირფელ, ქოთ ჯგირი, ქოთ ფური.
ჩქიმ შურშე მუკნაღელ სქან მულას პირ ელუ...

01.04.2016