სისმარ-ცხადო

From Wikisource
Jump to navigation Jump to search
please do not remove empty parameters (see the template documentation).
სისმარ-ცხადო
by ზაალ ჯალაღონია

ქარაქია ფოტა გინაქუნდჷ ცას,
ირფელჲ იძირედჷ, ირფელჲ ირწყებედჷ,
მუჭო მიშაშილჲ რდჷ ართიანც არძა ბორჯინჲ,

ბორჯეფც მუჭო დინასხარსალუდეს წანეფინჲ,
დღალეფჲ მუჭო იჟირჟინჷდეს
აკოკათელჲ ჩქიჩქუეფშორონჲ.
ხვაჭალერი რდჷ ან დო განი,
მელეთჲ დო მოლეთჲ.
ფოქვი დო ხვაშიაშე გითმიშეს ახონარებულჲ
ადამიერეფი,
მუდგარენც მითმიოტენდეს დო მუდგარენი
გითმოუღუდეს,
მინ ტანც იტენდჷ, მინ შურც.
ქერეჭჲცალო მიკოსორგუდჷ ფერცველობას
თენეფი.

ხვეხვეჩია ბჟა მოკოდჷ ბძირიკონი, თანთე მუნაფაწკჷმა ართო.
ცოდაშჲ ხვიანდი მიკინებუდეს
კათეფც დო თის გუვაგიგონუდითჷ.
ათე დიხას, ვარა ცას, უღუნო სოთინი ხვირატე,
გემნიფსიორათჷ აკაშანჲ?
თეშო იფსოფუდითჷ ირო,
მარა იშენი ვაბებდუთჷ ამდღა, მებდინათიაო,
ვარ ჸულეთჷ ვორეთ დოსქილადირი,
ჸუმენული ელვოჯინეთ ცას,
დო ცაშჲ იშო ხოლო მუდგარენჲ პუმენა.

სერით იბრულუანთჷ მარა ჩქინჲ
კოჭობი ლანდეფც გილუღუნა ეკი- დიკი,
ორთუმელწკჷმა მიწომდგუდესჷნჲ.
ღეჯეფიშჲ კორთჲ ხოლო გეჸუნც შოშეს,
დო ადამიერფც ეკმიჸუნუანა.
ასე მიქ გიშაგორას თენეფი?
სისმარჲ რენია, ოჯერუა სქანჲ დუც, მარა
ქიანა კინე თინა რე, მუთ დორულაფაშა დიტენი,
დო ლურენჯო ხოლო თინა რდჷ,
მუთ, გოკურცხინაფაშე გიძირუნი.