სისმარი

From Wikisource
Jump to navigation Jump to search
please do not remove empty parameters (see the template documentation).
სისმარი
by გური ოტობაია
ჰოუნანა, პოეზია, ერთტომეული, თბილისი, 2008 წ.


ღუმა ოტობურჷ ცირეფს,
თოლსერჷ სისმარჷ მუძირე,
ტანს პეულეფჷ მიკმოქუნდჷ
მუჭოთ გვალაშჷ დუცი რე.

ღუმა ოტობურჷ ცირეფს,
თოლსერჷ სისმარჷ მუძირე,
ორთუმელშა ნოჸელეფი
ტკიბირშორო მუცირე.

ღუმა ოტობურჷ ცირეფს,
ვენტი, ვენტი, მუთი რე,
ხვალე ელხეს ვადორულაფჷ,
ნამუთ ჸათე გურცი რე.

ნამუთ ჸათე გურცი რე,
ჸოროფილშო კურცხი რე,
ღუმა ოტობურჷ ცირეფს,
თოლსერჷ სისმარჷ მუძირე.