სისანდობაში მოლათირე

by თენგიზ ფეტელავა

please do not remove empty parameters (see the template documentation).

სისანდობაში მოლათირე by თენგიზ ფეტელავა

შორცუ ორდუ მონადირე სისანდობაში ჩალამცია
ბეტარი ქირქესუ გინაჯინე, მანჯღვერი ნჯღუნცუ ჭარასია,
გოლუ ტყვიაქუ ღურუში ღანჯიქუ, ცაშკარქუ გინჯუ გეანათუ
მიახალუ გოხოლუაქუ, ქირი შანასუ გერჩელ გართუ;
შორცუ ორდუ მონადირე! მეტარქუ ღურუსუ გოუსხაპუ
თიში გიმნარღვეფი ქუალემცუ ოჭუმარე ქოუნჭყაფუ
-კოლხი გვალეფიში ნაკაჭალას, ნაღაჭალას ხანშე-ხანშე,
თოლი ნტებული მონადირექუ ქუდი ქიდაჟღიფუ განშე...
გეგნირულეს უნჩაში გვალეფი ქვეცელერი ჭუემქია.
კინოხონიში აგაგემქუ ერჩქალესი შურემქია.