სინთელე მობძჷ, ხვამელი ღორონთიშე
Jump to navigation
Jump to search
სინთელე მობძჷ, ხვამელი ღორონთიშე,
თიშენჲ ბჭვალჷნს ლერსი თენერი ჭყანათჷ,
შურიშჲ ძინა მუთუნით ვაგმათიშე,
ვამოსაჭირ ხანგა კოჩიშჲ ხალათი.
მუდა მიდგჲა მიზიმუანს ბორზალსჷ,
მიდგია ოცად ჩქიმჲ ზჷსხჷრიშჲ წირუას,
მუს მორჩჷთ, ღურუ მა ვამოზარჷ,
ქუჯინითჷ ქვირიშჲ გჷთოცირუას.
ეგბა შურო ვავორექჷ მა თინა,
მისჷთჷ თქვანი ჸელი ტვინს ხაშჷნთჷ,
ჸინქჷ გეთუ, გეგნობორჷ მათირე,
ხობწყარს დღასჷ ვემიოხე ნაშჷნთჷ.
ჩქიმჲ შუკათჷ გილვოგაგა წყორილო,
ლერსიშჲ მოჭჷ ხვათახვალე ლახარა,
მა ვაბძირჷნთჷ ჭკუაეკონკორილო,
წკონდა ვორექ, ბურუ ჩქჩქჷში მახანა.
1. 03. 2015 წანა