სეზონური ჸოროფა
კოჩი თიშენი ცხოვრენც,
თე ქიანას გილართას,
ირ(ი) დიხაში გილუვლათ
შეხვადჷქჷ შხვადო შხვას.
მინ ცირა დო მინ(ი) ოსურც(უ)
მინი ნაქომონჯჷ სქვამც...
მინი სუსთი, ტან(ი) ჭიფეს,
მინი გვალო ფორთოხალც...
არძას უღუ მუშ(ი) სეზონი,
ირ(ი) თუთაში მუკუვლას...
ტანჭიფე, სუსთი ცირა
კვირკვეს ოკო გიჸორდას;
მუჟამც ჩხურ(უ) იჸუაფუნ(ი),
დამორჩილიში გინუვლას,
თი დროს ოკო სქელი ცირა,
კოჩიში გურქუ გოტჷბას...
სეზონქ ქუმორთ შეუდირთი,
თქვანოთ ლერსიში ჭარუას,
თქვა გოკონანი, თინა მოკო,
ქიდეკვირით თე სიტყვას,
დროს ვატარენთ, ვაჯუნუუთ
საჸოროფოთ ართიანც,
თეში უჯგუ(ი) მუ შეულებუ,
ვარა მა დო ვარა შხვას?!