საქორთუო
Jump to navigation
Jump to search
ცას ათაბიჯ გვალაშ წვანდეფჲ,
ანარაშ დუს ობრი წიანს,
ბუნეფს ხავერდჲ მინოქუნს დო
წყარეფჲ ეუფშაფ წვერენტიას.
ოჭაკეშ ტყას ერემ ღვარანს,
მუშენ წუხენს?-ხვალე რენო?
ერამხუტიშ ჸურაშ ხუმა
ბორიას მოუღჷ უშბაშენო.
ჩხანას დიხა დუმონკათებ,
ბოშის ველუთ, ბახუტიას,
მა მორდიობა მოკუთნ ჯიმა,
ბჟას მარებელ ვაფუდია.
ოქუმ-წყარ ჩქიმ კჷდჷრს მეფუნს,
თეს გარზება ვაკოდუო?
გლახა მუთუნ ქუმორძუნ-და,
სქან გოლვაფრო საქორთუო!