სამარგალო მახარია
Jump to navigation
Jump to search
სამარგალო ნდიდარი რექ,
შხვაში ვაიკვენსი ღვენა,
მინს მოწონქ დო მინსჷ ჯოგუქ,
გურშა ვედინიღა თენა.
ირფელს სი გითქაბრალენა,
ტყურა რე დო მართალიე,
მიდგა გლახას გიზალანსჷ
ვაუშირდას ფართალია.
მიჸორს სქანი გოთანა დო
სქანი ბუსკა, სქანი ჩელა,
სქანი ბჟა დო სქან მურიცხი,
სქანი სქვამი თუთარჩელა.
გინაჯინექ მუ სქვამი რე,
სქანი მინდორი დო ბაღი,
სი რექ საქორთუოშ ჯიხა,
სიმაგრე დო ჯინჯიბახი.
დღასუ ვამორლასუდასუ
აშო ბუსკა, ვიშო ჩელა,
აშო, აშო ნაბარბალსუ,
ეურე სო ურქ სი ჩერჩელა.
ირო სქვამას ღურჭულანდას
თე კურთხუში მაფშალია
ტერიშ ჯინშე ირო ქორდა,
სქან გოლვაფრო მახარია.