სამარგალო, მარგალი

by ბარნაბ ერლიხია

please do not remove empty parameters (see the template documentation).

სამარგალო, მარგალი by ბარნაბ ერლიხია

წყუ:გაზეთი „გალი“# 3(40) 2006 წ.ხ.4

   
მიჸორცჷ სქვამი ოზე–კარი –
ბაიაშ ეშაქარგილი,
დიდ მაღაზა, ოკარიე,
ხულა, ჭიჭე ჯარგვალი.

ჯგირი ჸვანა დო ორტვინი,
ლატი გიშაბარგალი,
აგაფა დო ბარი, ბერგი,
საჯენი დო ფარგალი.

მიჸორცჷ ლანჭა დო ყებური,
ჩუანიში გვარგვალი,
ღუმუ, ხორცი, ხაჭაპური –
"სტოლიშ" გილახარგალი.

მუ ჯგირი რე ორკოლიშე
ღვინიშ გინოკარკალი,
ელარჯიში გეჸუნაფა,
ყებურცჷ ეკოღვარკალი...

სუმშა მიღი ათე დოზა,
უკულ გილეხარგალი!...
თეჯგურა რე სამარგალო,
ათენა რე მარგალი!