სამარგალოს .
Jump to navigation
Jump to search
ხვალე სკვამი დღას ვაყოფექ,
ირო ეფშა რდი რჩქინათი,
ჯვეში დროშე მოყუნელი,
ლერსეფი დო ნაბირათი.
ორქო -ვარჩხილითი ეფშა ,
ტერს თოლს ურაგუანდი გიმე,
თელი საქორთუოში ჭყანა,
ჯიმალეფიში ალმარინე.
სონი დროშე ბჭარუნდით,
ბხანტუნდითუ უმოსი წოხლე,
ჩქინი ხანტურია ქიანა,
დაბადონა, ჩქინი ონწე.
ლაზი ჩქინი ჯიმა ორე,
აფხაზი-შურის ოსხუნური...
ნტერქ გური შქაშა გომირთეს,
ახავაი, ნანა შური.
ზღვაში სისკვამე ჩილამურო
ქიგლაიყუნეს ჩხეთ ღვანწკეფს,
სკუა მიდნაღელეფიში
ბრელშა ელნარკია რექ.
დღას ვართირანქ მითინიშა,
გოილუანქ ხეს დო დუსუ,
უსქანეთ მა ვებრგუქუ ,
სკანი ჭუა ბჭუნსუ გურსუ .
გურშა ქინკოიხუტოლუანქ,
გიბტიბუანქ მათუ გურსუ,
მოსახელუქ სამარგალო,
ქვერსემი კოლხაში სკვამი კუნთხუ.
დღაში დო სერით თისი ფიფრქე
ქიყუენი გომორძგვილო,
ცაშე ბჟაში ჩხორიეფით
რწკინუნდე და ორდე ირო.