საბაბაჩიო ჸოროფა
Jump to navigation
Jump to search
თიში სახელი საჸალოთ
ირი შვანს იშინუდასი,–
საბაბაჩიო ჸოროფა
მამულშო ვაგინუდასი,
უსაშველოთ გოქანჩილს
უგურეთ უჯინედასი,
თიშ დამრსხებელო სიცოცხლე
მუშისუ იზოგენდასი.
ტერსი ლაბაშათ ერჩიფილს
მით ჰამას ვაჸიშენდასი,
დო კუსაფიში გერჩქილათ
ვახიოლ, ვაჰამენდასი.
მუ სანატრო რე დორინა
ვაითუ მუშნაულასი,
იალუ შვანშა უთურიშ
უღუსი ათაშქვიდასი?
აუჯგუშუაფ ღურან იქ–
შუროთი ვადეარსასი.
თეცალ ფურბედიქ აჭარუნ
ბორჯო დო ანაწერობათ
მისუთ ნუგეში რინაში
ვასკილად ართ ენცერობათ,
დო, დუდშულობაშ იალონს
ვემიელ გამკურჩქინდასი,–
ვავა ქიანა – მუხურშენ,
ძალფალო თიშ დადიასი:
ყამა რჯულს მუნოხუნელი
კანონეფს გუჸონანდასი.