ს
საბატონიში გუნასარკა - ბჟაშხა ნასადილჷშახია.
სანთელი დო ოკუმაფუ მუში შარას ქოძირჷნსია.
საქონელქ ინატრუ: მისით მა ვოსქუქინი, თიში ქოპუასია.
სენიში მარჩხუალს სენი უტირხუნია.
სერი ნოტყელი დო აბრაგიში რე.
სიდინდარე დო სიღარიბე იშო-აშო გილურსუ.
სიდინდარე დო სიღარიბე იშო-აშო გილურსუ, კოს თინა გიოსქიდ, მუთ მიშაძჷნი დუსუ.
სინდაქ თქუუა: ჩქიმი ბერგი ქომუჩას, ჯგირი ბარგუა მიჩქუნია.
სინთე მუშოთი გოკო, უთოლე რექჷდა?
სინჯა ქუმურსუნი, კიდალა გიიძიცანსია.
სი რაგადანქ, - ჯოღორი, ლალუნს, სქიბ ირთუ დო ცხენ იდიარს.
სი შხვას მუშენი ვოუჯინექ - სი ქოგიჯინენანდა?
სი წისქვილიშა მიდეწკანტალი დო მა დიარაშა მიდევსარგალქია.
სოდე დუდი ინტირენი, ექ ტანი ხოლო გითინტირე.
სოდეთ შუმა რე - თექ ბუმა რე.
სოდე ორე ბედი სქანი, თექ მიგიჸუნანს კუჩხი სქანი.
სოვრე მიკივრთი, თევრე იკივრთი.
სოლე-სოშა - მეხორხოშა.
სონი ჩიქახე, სო მიშახე.
სუმარი სუმარია დო მენძელი გერძღელია.
სუმარი სუმარც იწვენდუა დო მენძელც ჟირხოლო ჯოგუდუა.
სუმარი ღორონთიშენია.
სუჯუნა მის უტიბუნი, ღუმუ თის აჸინია.
სქან დო შქას ზღვა დო გვალა რენია.
სქანი ბორო შხვაში ჯგირიშა გისხუნუ.
სქანი კილეს ქაჩამუქინი, გაწყუნე.
სქანი ოროშა ვეგინგასხაპენია.
სქანი საქონელს ვამუწყინდა, ფასი ვაგაჸვენუნი თიწკმა აშინია.
სქანი უჯგუში მოჯგირე სი ნუმუ გოკონია.
სქანი ღურელი სი ოკო თხორე.
სქანი შვი დო სქანი ჭკომი, ჩქიმიშა ჯვარი დომიწერი.
სქანი ჩხოუ თი ფერი რე, ნამუსუ პატჷნი თქუანსჷნი.
სქანი ჯოღორქ სი გაჩასიე, მის მუს უწოლენქია.
სქანი ჸუდეს მუთუნ ვარი.