ჟინ ბორია- ფიონი

From Wikisource
Jump to navigation Jump to search
please do not remove empty parameters (see the template documentation).
ჟინ ბორია- ფიონი
by ზაალ ჯალაღონია

ჟინ ბორია – ფიონი,
შურმალაფუშ ქიონი.
სოთინ მუთუნ ვეძირე,
გილულა დო ციონი.
არძა აკანც მიკვართი,
მუზმა გილამიჸონი.
შხვა ოფუტეს ონჭჷდჷ
ჩქიმ მუმულიშ ჸიონი.
ფირწელია მუნაფა,
ფერთო-ფერთო ნაფერთა.
ჩე რაში რე ოფირჩას,
მოთარჩიე, ნაფენთა.
ფოლო თიში გიოხე
ცა, დიხასჷ – მოფერდას.
სოთინიშე ველასე,
ჭიხილი დო გონთე რდას.
ქარაქია ოწონდე,
ხოლო მუკომნათუანც,
სკან დუც ართშა მოძირანც,
ოშშა ქაწომლანტუანც.
ფირქის ხოლო დულუაფჷ
ჩქიმდა ბასქა ლისმარი.
ქარდის ქუმომრაჸუანც,
გობშვებელანც სისმარი.