ჟაშხაში სონეტი
Jump to navigation
Jump to search
დიდა რე ჩქინი, ბჟა გურც ირო მიტიბუანა,
სით შვი დო ჭკომი დო კინეშე სითი დეხარჯი,
მისი აგინე, მა ქომიწი, ასე თე ხარჯი,
ვარა სო ძირი, მითინც აშო ორთინუანა.
დღას ვაბღურუთუნ თიშ იმენდი მოდინუანა,
ბრელ მუდგარენშენ ქორშდა, სითი ბრელშა დეხარბი,
მურე სიხარბენ თის იშენი დღას ვაგოხვადი,
შხვათ თინერი რე, მარა სკანო ვაბჟინუანა.
ჟაშხას გეგმიღი გაბჟინაფშა, ღორონთიშ დღასი,
ქუდახუნე დო სკან დუც ქეჩი, მანგ მუ რე თაქი,
ართის მაჟირა უჸორც, მაჟრას მასმა უჸორცი,
დო თენეფ არძა ბედნერობაშ შარაშა მიშეს,
მარა მა იშენ თისი ფიბრქე, - არძაშ უმოსო
ურჩქინჯ კოჩი რე ბედინერი, ვაუჩქუნ თიშე.