პოტიკი (გია ჯიჭონაია)
Jump to navigation
Jump to search
პოტიკ პოტიკეფიშ დო ირფელ პოტიკი რე.
ეკლესიასტე
პოტიკი რე ირფელი,
ირფელი პოტიკი რე,
თე ნარღი ამდღანერი,
პინტიშა ვემიკირე.
ჩილამურიშ ტკვარტკვალი,
ვარა გოკო იბირე,
ოჭმარეშა რაქვალი -
ირფელი პოტიკი რე.
პუხუს ოღალ მუგობუ,
გურჭუა გითიძირე,
ფარა იშენ ითებუ -
ირფელი პოტიკი რე.
ე, მიდგარენქ დოღურუ,
რჩხვიაფ დო კიჟინი რე,
ბოლოს არძა ხო ღურუ,
ირფელი პოტიკი რე.
ევრე კოჩ ქიმინგარცჷ,
ჩილამურით ვენტირე,
მიჩქ ჭუმან გიძიცანცჷ,
- ირფელი პოტიკი რე.
დღას მუთუნი ვენარღა,
სოდგა ვარდას მიშენი,
გურშა მუთუნ ვემიღა,
პოტიკი რე ირფელი.
შვი, ჭკომი დო იბირი,
ნგარათ მუთუნ ვეთირე,
პოტიკი რე ირფელი,
ირფელი პოტიკი რე.