ოხვამერი.
Jump to navigation
Jump to search
| ოხვამერი by |
| ორიგინალური ნინა ქორთული. ორიგინალური ჯოხოდვალა სადღეგრძელო.. გინმათანგალი ედემ იზორია |
სქან ოხვამერს ბშუნქ წანა ახალი,
მოვარჩხილერი კულათ ახალით.
მარდო მემიღი თე ოხვამერი,
კაკაბი გურშე ეკიბშქვ, გახარი.
სოდგა ვედენი ქუაქ გიფალას,
ბარჯგო შეყერი მოლჷმეს რდუდას;
მიშე დო დემიშ ნობირგულს გჷდას,
ობიჯგუანდე წიმი მალც მუდას.
ჯიმალობა თეშ გურც ინორზუდას
ბელასჷმენდე კათაშ იმენდით;
ღალიერ ორდა მუ გომორძგუა,
უღუნო -- მუჭო ნინა -- შვიდებით.
ტერც ვანწალუაფ სქან თოლი ხვიჩა;
მურც დო მიფოფორ, ჸოფედა კურცხას:
ქუათ ფართხჷნა შხირას თი ბაღჩას,
ნამუსჷთ ხილი მიარე გოჩანს.
ეიფში სირჩა, ჰამას გეღუზი;
დღათ გოფშაფედას სქანი აკანი
ოდო უბადოს, რახანც გეხუზუ,
სქან გომორძგუა გიაშაკანი.
კაბეტო სქანი ჭყუნტურუ ჯოხო,
შურ მოლჷდანი მორძგვას შუმაშა;
ირო ართო დო დღასჷ ვარ ზოხო:
გომორძგუაშე -- გომორძგუაშა.