ოხვამერი

From Wikisource
Jump to navigation Jump to search
please do not remove empty parameters (see the template documentation).
ოხვამერი
by გიორგი სიჭინავა
წყუ:გიორგი სიჭინავა "ნანაგე" თბ. 2011 წ.ხ.35-36

მარდობა, ქრისტე,
მუჟამც მებდინი,
აშო მორთი დო
პატი გებდვინი.

შურც ვაკო ჸუნდას
დიხას მოჯგირე,
მა ღურუს ღურათ
ოკო ვორჯგინე.

"ნახარებ" მუჩი -
გურიშ ოგინე,
თიშ უმშო შური
ვამატყობინე.

ხანდაქ დო შიბაქ
თოლონჭ გონირსჷ,
,,მოკო" დო ,,მოკო"
ირ დღას მონირზჷ.

ბორიაშ პოფექ
მა თაქ მაყარე,
მარდიშ საგამათ
ცოდა ბშაყარე.

კათა დუდიშულ
რინათ მიაშქვი,
მონტუ ჸავავა
ერემიაში.

სო იშაყარუ
წანეფ ჸოფილი,
სო მეურც შარა
აკოსოფილი?

ვარა, სო ტყობუ
ღორონთიშ ნარდი,
ჯიმალობა დო
ჸოროფა მარდი?

მითა მაგორე
მუთუნ უჩქუნი,
კისერც გებძუნა
ევაშ უშქური.

მოგურეს ხვალე
რკება დო ძინა
მეტ მუთა ჸოფე
ოფუტეს რჩქინა.

ღორონთ, თე ღულა
შარა გომთინი,
შურც ოკო ულა,
სქანდა დორთინი.

მარდობა, ქრისტე,
მუჟამც მებდინი,
ქუგომშინი დო
პატი გებდვინი.