ოწონდეშე კირიბ ღვარანც

From Wikisource
Jump to navigation Jump to search
please do not remove empty parameters (see the template documentation).
ოწონდეშე კირიბ ღვარანც
by ზაალ ჯალაღონია

ოწონდეშე კირიბ ღვარანც,
ჯას გალუაფ კინე კიდუ,
ბრელ მუდგარენ ორწყე ფარანც,
ბრელჲ ნაფულა მუკმორჩქინდუ.

კინ გიორე დიხას ჭყიშო,
ცა მორღე დო მატაროზე,
ლაბახონა ირქენც თიშო,
კინ სკან ბორჯეფც ქეკათხოზე.

დუდ ვეგლეღა დოკინელო,
სკან ნახანდას არძა გარე,
დოწკური-და დოღურჲ თელო,
თოლც განჯანქჷნ მუთუნ ვა რე.

მუ გაღოლე ქიანაშა?
გურც გაჸვენუ მოშინელო,
მეწირხელჲ დო მეზგუმონჯილჲ,
მეკარკატელჲ ოშინერო.

გაკეპება ვა რე ჯგირი,
დო ჩიჩიეშ ჯინა ჟიშე,
ვართ ჭკორალა იჸი ირო
გლახას ჯგირშა ვეგიაჭიშე.

ღორონთჲ გიწინც დოირსხენი,
ქიგედგუნქო კუჩხის ნოურც,
რინა გაში თოისერი,
ორდ გოთანა მალას მოურც.