ორინჯე
Jump to navigation
Jump to search
თეჯგუა რე თე ორინჯე,
ირკოჩ ჭკომუნს ართიანს,
ვაუჯინე მითინ შხვაში
ვართ ნგარას დო ვართ რკიას!
გერიაშა ორე რინა,
ეგბა თქვა შხვას ფიქრენდით,
მითინ შეიცოდუანსუნ,
ტყურათ გიღუ თეშ იმენდი!
გერი ორდა, გერი ჯიმა,
გერი კიბირლასირეი,
შურო გერი ვარექუ-და,
ვეჸუაფუქ დღას პირვეი.
გერი ორდა, იშო ჭკომი,
ვარა აშო ორჭკომუნა,
ჩქინჯგუეფიშ მაჭკომალო
გვალო გერემს გერეფ ჸუნა.
გერი ორდა, ირკოს გერიი,
რინა ორე გერიაშა,
მიდგას თენა ვეშულებუნ,
ვართ გეუნტუ კერიაშა!
თე ქიანას კოჩიშ სკუას,
კოჩიშ სკუა ვაჸუნს მინჯე,
შურიშ ღალა ქუგოკო-და,
ირფეი ოკო ქუმოსინჯე..
გურ მიჩერდუ, შური მეურს,
ჟირიხოლო რინას წუხენს,
მითინ მინჯეთ ვაგმოჩქუქო...
ჭიჭე ქეკომიჭუჭუხე!!
2001 წ.