ორთაში ქართას სქიბჺ ირთანს
Jump to navigation
Jump to search
ორთაში ქართას სქიბჺ ირთანს,
ტუტას ორღვანს მელე-მოლე,
გოღანერი ჭუმე თანდჷ,
მუს ქიმინჷ, მუ გაღოლე.
ალმარჩქილე ნანაშჲ ნანა,
ცა იჭუ დო დოფათ ცენსჷ,
სონი ბორჯი მიჯღონანა
საწმოხონო ნოცხეცხემს.
ჩქიმჲ გვირალი კოლხიში თოლი
გჷთიჯინე კონწარულო,
სონი აკანიშჲ გჷშნათოლა
მუთ გინვოშქვით ჩქინჲ მარულე.
უგამაგა მიშეძღენძღჷ
აეტიში ნაჩართასჷ,
ათაქ მიში გური გეძჷ,
თაქ მი ოკო აშარდასჷ.
გეგნორცველე შხურიშჲ ტყები,
კჷ ვაგმუღუ შურიშჲ ჭყონს,
ჭკუა ხოლო გეშათებე,
მიდუნჩურუ ორქოში ჩხომსჷ.
ივალჷნა ექი-ექი
ასქილადირი მურიცხეფი,
გიმე მეურთ ეკი-ეკი,
ბჟაში ვაწენს ართი ჭყეპი.
მოკო მარა, მუ უწუა,
ჸუს ვარჩქილე ჯიმასჷნი,
ართი ფერიში ვარე ჭუა
მუდგანერი ჭვიმასჷნი.
2.03 2015 წანა